دعوة لتقديم مبادرات لدعم الشباب والمراهقين في قطاع غزة
هل عندك فكرة بتهم الشباب أو المراهقين في مجتمعك؟
حابب/ة تطلق مبادرة بتلبي احتياجاتهم وبتعزز دورهم؟
المنتدى الاجتماعي التنموي يفتح الباب أمام المبادرين لطرح أفكار جديدة تركّز على قضايا الشباب والمراهقين، وتساهم في إحداث أثر إيجابي في بيئتهم المحلية.
المجالات الممكنة:
- التعليم والدعم الأكاديمي
- الصحة النفسية والرفاه
- الأنشطة الترفيهية والرياضية
- التمكين الرقمي والتكنولوجي
- المبادرات المجتمعية والخدماتية
شو راح تحصل عليه؟
- منحة مالية صغيرة (100 – 1,500 دولار) حسب نوع الفكرة
- تدريب ودعم فني لتطوير المبادرة
- إشراف ومرافقة خلال التنفيذ
- فرصة لعرض المبادرة عبر المنصة والوصول لداعمين
مين بقدر يشارك؟
- شباب وشابات من قطاع غزة، بين 18 و35 سنة
- أفراد، فرق شبابية، مجموعات تطوعية
- ما في داعي يكون عندك خبرة… بس لازم تكون فكرتك واضحة وواقعية
شو بصير بعد التقديم؟
- بنراجع الطلبات ونقيّمها
- بنختار أفضل 10 أفكار للتنفيذ الفوري
- بنوفر تدريب وإرشاد للفِرق المختارة
- وبنبدأ معكم رحلة التنفيذ
- وراح نحتفظ بباقي الأفكار المميزة ونسعى لتوفير تمويل إلها لاحقًا
شو معايير التقييم؟
- أن يكون الطلب مكتمل
- أن تكون الفكرة مكتوبة بصيغة SMART (ذكية)، يعني:
- S محددة (Specific)
- M قابلة للقياس (Measurable)
- A قابلة للتحقيق (Achievable)
- R مرتبطة بالواقع (Relevant)
- T محددة بزمن (Time-bound)
قدّم فكرتك عبر الطلب المخصص
تقديم الطلبات مفتوح حتي 30 سبتمبر 2025
لمزيد من المعلومات أو الاستفسارات تواصل معنا عبر قسم التواصل بالموقع أو اضغط هنا